Onlayn kassa, e-qaimə, POS terminal — biznes üçün bələdçi

Onlayn kassa (e-kassa) nədir?

E-kassa — satış məlumatlarını real vaxtda Dövlət Vergi Xidmətinə ötürən yeni nəsil nəzarət-kassa aparatıdır (NKA). O, iki hissədən ibarətdir: proqram kassası və nəzarət mexanizmi qurğusu. Ölkədə yalnız dövlət reyestrinə daxil edilmiş modellərdən istifadə etmək olar; qeydiyyat, quraşdırma və texniki xidmət rəsmi e-kassa operatorları vasitəsilə aparılır.

Mənbə: e-kassa.gov.az

E-qaimə-faktura necə işləyir?

Elektron qaimə-faktura 1 aprel 2017-ci ildən ƏDV ödəyiciləri üçün tətbiq olunur. Qaimə iki yolla hazırlanır: onlayn — gücləndirilmiş elektron imza (ASAN İmza və ya SİMA) ilə İnternet Vergi İdarəsinin "Elektron qaimə" alt sistemində; oflayn — "Elektron Faktura Tərtibatı" (eFP) proqramında hazırlanıb adoc/edoc paketi kimi sistemə yüklənir. Hər qaiməyə seriya və nömrə verilir, satıcı göndərilmiş qaiməni e-imza ilə ləğv edə bilər.

Simple ERP-də satış, alış və anbar sənədləri bir yerdə aparılır — qaimələrin uçotla uzlaşdırılması üçün komandamız prosesi sizinlə birlikdə qurur. Simple ERP

Mənbə: www.taxes.gov.az

POS terminal və banklar

Kartla ödəniş qəbul etmək üçün POS terminalı kommersiya bankı (ekvayer) quraşdırır. Bank müraciəti sənədlər təqdim edildikdən sonra adətən 3 iş günü ərzində araşdırır və terminalı vergi orqanında elektron qaydada qeydiyyata alır. Simple Kassa aşağıdakı bankların POS terminalları ilə inteqrasiya olunur — kartla ödəniş məbləği kassadan terminala avtomatik ötürülür, nağd, kart və QR ödənişləri isə uçotda ayrıca görünür.

Simple Kassa ilə inteqrasiya olunan banklar

• Kapital Bank (Birbank)
• PAŞA Bank
• ABB

Mənbə: nk.gov.az

Ödəniş sistemləri və QR ödənişlər

Kart şəbəkələri, mobil cüzdanlar və onlayn ödəniş provayderləri müştərinin ödəmə üsulunu müəyyən edir. Market və restoranlarda ən çox istifadə olunanlar:

• Azericard
• Visa
• Mastercard
• Apple Pay
• Google Pay
• Birbank QR
• m10
• MilliÖN
• eManat
• Portmanat
• Epoint
• Payriff
• GoldenPay

Qısa lüğət

NKA

Nəzarət-kassa aparatı — nağd və kartla satışları qeydə alan, vergi orqanına bağlı qurğu.

Fiskal çek

E-kassanın verdiyi, fiskal ID ilə vergi sistemində yoxlanıla bilən satış çeki.

X və Z hesabat

X — növbə ərzində ara hesabat; Z — növbəni bağlayan və məlumatı sıfırlayan yekun hesabat.

Ekvayrinq

Bankın biznes adından kart ödənişlərini qəbul etməsi xidməti; POS terminal və ya SoftPOS ilə işləyir.

VÖEN

Vergi ödəyicisinin eyniləşdirmə nömrəsi — qaimə, kassa və bank sənədlərində tələb olunur.

ƏDV

Əlavə dəyər vergisi. ƏDV ödəyiciləri satışları elektron qaimə-faktura ilə rəsmiləşdirir.

Gücləndirilmiş e-imza

ASAN İmza və ya SİMA — e-qaimə göndərmək və ləğv etmək üçün tələb olunur.

Barkod (ştrix-kod)

Məhsulun kodlaşdırılmış nişanı; skaner ilə oxunur, kassada və anbarda səhvləri azaldır.

Tez-tez verilən suallar